کابینہ کمیٹی برائے نجکاری نے روزویلٹ ہوٹل نیویارک کو جوائنٹ وینچرز کے ذریعے چلانے کےلئے نجکاری کمیشن کو مالیاتی مشیر مقرر کرنے کی ہدایت کردی۔

کمیٹی کا اجلاس مشیر خزانہ ڈاکٹر عبدالحفیظ شیخ کی زیر صدارت اسلام آباد میں ہوا۔ اجلاس میں روز ویلٹ ہوٹل نیویارک کے مستقبل کے حوالے سے تجاویز پر غورکیاگیا۔

اجلاس میں پی آئی اے کاروز ویلٹ ہوٹل کی نجکاری سے متعلق وزیر نجکاری کی سربراہی میں قائم ٹاسک فورس کو ختم کرنے کا فیصلہ کیا گیا۔فیصلہ وزارت ایوی ایشن ڈویژن کی سفارشات کی روشنی میں کیا گیا۔

اجلاس میں روز ویلٹ ہوٹل کو جوائنٹ وینچر کے ساتھ چلانے کا فیصلہ کیا گیا۔

کمیٹی اراکین نے اس عزم کا اظہار کیا کہ روز ویلٹ ہوٹل کے بارے میں تمام فیصلے میرٹ پہ کئے جائیں گے۔

وزارت نجکاری کو بورڈ سے مشاورت کے بعد مالیاتی مشیروں کی نامزدگی کا کام شروع کرنے سے متعلق ہدایات کی گئی ہے۔