سندھ حکومت نے پیٹرول پمپس کو چوبیس گھنٹے کھلا رکھنے کی اجازت دینے کا فیصلہ کرلیا۔

وزیراطلاعات سندھ ناصر حسین شاہ کہتے ہیں کہ پیٹرول پمپس 24گھنٹے کھلے رکھنے کا فیصلہ مون سون کی صورتحال میں عوام کی مشکلات کے پیش نظر کیا گیا۔

حکومت نے بارشوں کی وجہ سے گاڑی اور جنریٹر کےلئے پیٹرول کے حصول میں لوگوں کو پیش آنے والی تکلیف کی وجہ سے فیصلہ کیا ہے۔جلد اس کا نوٹی فکیشن بھی جاری کردیا جائے گا۔