شادی کے بعد شوبز اندسٹری سے کنارہ کشی اختیار کرنے والی حمزہ علی عباسی اور نیمل خاور کی جوڑی کے ہاں بیٹے کی پیدائش ہوئی ہے۔

تفصیلات کے مطابق حمزہ علی عباسی نے انسٹاگرام پر اپنے مداحوں کو بیٹے کی پیدائش کی خوشخبری سناتے ہوئے تصویر بھی شیئر کی اور اپنے بیٹے کا نام بھی بتایا۔

انہوں نے اپنے بیٹے کا نام محمد مصطفیٰ عباسی رکھا ہے۔

حمزہ نے ایک ٹویٹ بھی کی جس میں انہوں نے لکھا کہ 'خدا کرے کہ ان کا بیٹا، شکر گزار، شائستہ اور ایماندار انسان بنے اور اللہ اس کی دنیا و آخرت کی زندگی کو سنوارے، ہمیں دعاؤں میں یاد رکھیئے۔

واضح رہے کہ حمزہ علی عباسی اور نیمل خاور کی شادی گزشتہ برس 25 اگست کو ہوئی تھی۔