ساؤتھمپٹن: پاکستانی عوام کی طرح قومی کرکٹرز بھی ارطغرل کے مداح نکلے، ٹیسٹ ٹیم کے کپتان اظہر علی کا کہنا ہے کہ سارے کھلاڑی ارطغرل ڈرامہ دیکھ رہے ہیں۔

ویڈیو کانفرنس میں صحافی نے سوال کیا کہ انگلینڈ کیخلاف جیت کیلئے کیا حکمت عملی اپنائی ہے؟ جس پر اظہر علی نے دلچسپ جواب دیتے ہوئے کہا سب کھلاڑی ارطغرل دیکھ رہے ہیں۔ ویڈیو دیکھئے۔

واضح رہے کہ وزیراعظم عمران خان کی خصوصی ہدایت پر اسلامی تاریخ پر مبنی ترکش ڈرامہ یکم رمضان المبارک سے پی ٹی وی پر اردو زبان میں ڈب کرکے نشر کیا جارہا ہے۔

اس ڈرامے کو نہ صرف عام پاکستانی ناظرین بلکہ کئی نامور شخصیات بھی خوب پسند کررہی ہیں اور اس سے متعلق اپنے اپنے خیالات کا اظہار بھی کررہی ہیں۔