اسلام آباد: وفاقی وزیر اطلاعات و نشریات سینیٹر شبلی فراز نے کہا ہے کہ یوم عاشور حق و صداقت کی سرفرازی کا دن اور اس کی تعلیمات ہمارے لئے مشعل راہ ہیں، نواسہ رسول صلی اللہ علیہ والہ وسلم کی عظیم قربانی نے اسلام کو سر بلند کر دیا۔

یوم عاشور کے موقع پر وزیرِ اطلاعات سینیٹر شبلی فراز نے سماجی رابطے کی ویب سائٹ ٹوئٹر پر اپنے ٹویٹ میں کہا کہ 10محرم حق و صداقت کی سرفرازی کا دن ہے، یومِ عاشور ظلمت کیخلاف مزاحمت کا پیغام ہے۔

شبلی فراز نےمزید کہاکہ نواسہ رسول صلی اللہ علیہ والہ وسلم کی عظیم قربانی نے اسلام کو سر بلند کر دیا، حضرت امام حسینؓ کا عمل اور تعلیمات ہمارے لئے مشعل راہ ہیں۔

10محرم حق وصداقت کی سرفرازی کا دن ہے۔یوم عاشورظلمت کے خلاف مزاحمت کا پیغام ہے۔نواسہ رسول کی عظیم قربانی نے اسلام کو سر بلند کیا۔حضرت امام حسین کاعمل اور تعلیمات ہمارےلیےمشعل راہ ہیں۔

— Senator Shibli Faraz (@shiblifaraz) August 29, 2020