بس ریپڈ ٹرانزٹ سروس کے ترجمان عمیر خان کا کہنا ہے کہ بی آر ٹی کی تمام بسوں کا اثر نو جائزہ لیا جائے گا۔
بی آر ٹی بس میں ایک مرتبہ پھر آگ بھڑک اٹھی۔13اگست کو وزیر اعظم عمران خان نے پشاور میں بس ریپڈ سروس کا افتتاح کیا تھا۔ایک ماہ کے دوران چوتھی مرتبہ آگ لگنے کا واقعہ پیش آیا۔
بی آر ٹی بس سروس کے ترجمان عمیر کا کہنا ہے کہ بی آر ٹی کی تمام بسوں کا اثر نو جائزہ لیا جائے گا۔بس بنانے والی کمپنی کی ٹیم مفصل انداز میں تمام بسوں کا جائزہ لے گی۔بی آر ٹی کی دو بسوں میں لگنے والی آگ کی وجوہات پر تفتیش جاری ہے۔
ترجمان بی آر ٹی کاکہناہے کہ مزید تمام بسوں کی جامع تحقیقات اور انسپیکشن کی جائے گی۔بی آر ٹی کی ہر بس کو تکنیکی اعتبار سے مکمل کلیئر کرنے کے بعد بحال کیا جائے گا۔ مسافروں کے وسیع تر مفاد میں یہ فیصلہ لیا گیا۔