صدرڈاکٹرعارف علوی نے کوروناوائرس کی وباء کے باوجوداقتصادی سرگرمیوں کی بحالی اور مہنگائی میں کمی کو یقینی بنانے کے بارے میں حکومت کی کارکردگی پراطمینان کااظہارکیاہے۔

نجی ٹی وی کوایک انٹرویومیں انہوں نے کہاکہ حکومت یاجمہوریت کوکوئی خطرہ نہیں ہے۔

صدرنے عتماد کا اظہارکیاکہ موجودہ حکومت پچھلی دوحکومتوں کی طرح اپنی مدت پوری کرے گی۔

ایک سوال پرانہوں نے کہاکہ ملک کے تمام ادارے بدعنوانی کے خلاف ہیں.

انہوں نے بدعنوانی کے خلاف عدلیہ کی کوششوں کوسراہا۔

صدرنے کہاکہ ملک سے باہربیٹھے کسی بھی پاکستانی کی طرف سے قومی اداروں کوبدنام کرنے سے بھارت جیسا دشمن ملک خوش ہوگا۔

گلگت بلتستان سے متعلق جاری بحث پرتبصرہ کرتے ہوئے انہوں نے کہاکہ اس مسئلے کو سیاسی پہلو سےدیکھنےکی بجائے تمام سیاسی جماعتوں کو معاملے کوجلدسے جلدحل کرنے کے لئے اتحاد کا مظاہرہ کرناچاہیئے۔

ریڈیو پاکستان