لاہور: قومی کرکٹ ٹیم کے سابق کپتان اور لیجنڈری بلے باز جاوید میانداد نے ننھی کرکٹر ارمش فاطمہ سے لاہور میں ملاقات کرکے بیٹنگ کی ٹپس دیں، سابق کپتان کا کہنا ہے کہ ارمش باصلاحیت کرکٹر ہیں ان جیسے کرکٹرز کی رہنمائی کرکے بڑا کرکٹر بنانے میں مدد دی جاسکتی ہے۔

جاوید میانداد نے ارمش فاطمہ کو اپنے لاہور والے گھر پرمدعو کیا اور بیٹنگ ٹپس دیتے ہوئے کہا کہ چھوٹے بچوں کو سکھانے میں خوشی محسوس ہوتی ہے۔ ننھی بچی کو کرکٹ کے ساتھ تعلیم بھی حاصل کرنے کی نصیحت کی۔

انہوں نے کہا کہ چھوٹے بچوں کو کرکٹ کے گر سکھانے کیلئے ان کی خدمات ہر وقت حاضر ہیں۔