اسلام آباد:وفاقی وزیرمنصوبہ بندی اسد عمر نے کورونا کیسز بڑھنے کی تصدیق کردی ، کہا کہ گزشتہ 6ہفتوں میں کورونا کیسز 2فیصد سے کم تھے مگر اب 2فیصد سے بڑھ گئے ہیں ۔

وفاقی وزیراسد عمرنے سماجی رابطے کی ویب سائٹ ٹوئٹر پر اپنے ٹوئٹ میں کہاکہ گزشتہ6ہفتے اوسط قومی سطح پر کوروناکیسزکی تعداد 2فیصدسےکم رہی مگر پچھلے ہفتے کورونا کیسزکی تعداد 2فیصد سے زیادہ رہی جس کے باعث کراچی، اسلام آباد اورآزاد کشمیرمیں منی اسمارٹ لاک ڈاؤن دوبارہ نافذ کیا گیا ۔

6 ہفتے اوسط قومی سطح پر پوزیٹیویٹی 2٪ سے کم رہنے کے بعد پچھلے ہفتے 2٪ سے زیادہ رہی. کراچی، اسلام آباد، آزاد کشمیر میں منی سمارٹ لوک ڈاؤن دوبارہ نافذ. ملک بھر میں انتظامیہ کو حفاظتی اقدامات یقینی بنانے کی ہدایت کی گئی ہے. لیکن کامیابی پہلے کی طرح عوام کے تعاون کے بغیر ناممکن ہے

— Asad Umar (@Asad_Umar) October 11, 2020

اسد عمر نے انتظامیہ سے ایس اوپیز پر عملدرآمد یقینی بنانے کی ہدایت کرتے ہوئے کہاکہ ملک بھر میں انتظامیہ کو حفاظتی اقدامات یقینی بنائیں لیکن کامیابی پہلے کی طرح عوام کے تعاون کے بغیر ناممکن ہے۔