مولانا عادل کے قاتلوں کی عدم گرفتاری کے خلاف کراچی علماء کمیٹی نے کل پرامن ہڑتال کی اپیل کردی۔ تمام مکتب فکر کے علماء اکرام اور تاجروں نے ہڑتال کی حمایت کا اعلان کردیا۔
تفصیلات کے مطابق مولانا اورنگریب فاروقی نے کہا ہے کہ ہماری ہڑتال پرامن ہوگی، شرپسندوں پر نظر رکھنا حکومت اور حکومتی اداروں کا کام ہے۔
انہوں نے علماء اکرام کو فول پروف سیکورٹی فراہم کرنے کا بھی مطالبہ کیا۔
مولانا اورنگزیب فاروقی نے مزید کہا کہ قاتل نامعلوم ہیں مگر صحابہ کی شان میں گستاخی کرنے والوں کا تو معلوم ہے، اُنہیں کیوں گرفتار نہیں کیا جاتا۔