کراچی میں گزشتہ روز نورس چورنگی کے قریب کیمیکل فیکٹری کے ٹینک میں دم گھٹنے سے 6مزدوروں کی ہلاکت کا مقدمہ سائٹ اے تھانے میں درج کرلیا گیا ۔
پولیس حکام کے مطابق مقدمہ مرنے والے مزدوروں میں سے ایک متوفی کے بھائی وسیم کی مدعیت میں درج کیاگیا ہے ۔
مقدمے میں قتل باالسبب کی دفعات درج کی گئی ہیں ،مقدمے میں فیکٹری کے جنرل مینجرسمیت 6افراد کو نامزد کیا گیا ہے۔
نامزد ملزمان میں جی ایم طاہر، ایڈمن منیجر حارث ،سیکیورٹی سپروائزر اور ٹھیکیدار بھی شامل ہیں ۔