پاکستان تحریک انصاف کی حکومت نے ریڈیو پاکستان کے 749 ملازمین کو بیک جنبش قلم فارغ کردیا۔
پاکستان براڈ کاسٹنگ کارپوریشن کی جانب سے جاری نوٹیفکیشن کے مطابق حکام نے فیصلہ کیا ہے کہ ریڈیو پاکستان کے کنٹریکٹ ملازمین کو فارغ کردیا جائے۔
نوٹیفکیشن میں کہا گیا ہے کہ ان ملازمین کی خدمات کی مزید ضرورت نہیں ہے اس لئے انہیں فوری طور پر فارغ کیا جارہا ہے۔
ریڈیو پاکستان سے فارغ ہونے والے ملازمین میں پروگرامنگ کے شعبے سے تعلق رکھنے والے 531، نیوز کے شعبے کے 177 اور ویب ڈیسک کے 41 ملازمین شامل ہیں۔