دو روز قبل شادی کے بندھن میں بندھنے والے عمیر جسوال اور ثناء جاوید نے مداحوں کی جانب سے بے پناہ محبتیں نچھار کرنے اور نیک خواہشات کا اظہار کرنے پر مداحوں کا شکریہ ادا کیا ہے۔
تفصیلات کے مطابق عمیر جیسوال نے اپنے انسٹاگرام اکاؤنٹ سے اہلیہ کے ہمراہ لی گئی سیلفی شیئر کی اور لکھا کہ ہمیں خوشی ہے کہ ہمارے آس پاس بہت سے پیار کرنے والے ہیں۔
انہوں نے مزید لکھا ہماری خواہش ہے کہ ہم آپ میں سے ہر ایک کا فرد کا فرداً فرداً شکریہ ادا کریں، مہربانی کرکے ہمیں اپنی دعاؤں میں یاد رکھیں۔
واضح رہے کہ 2 روز قبل عمیر اور ثناء کا نکاح ہوا، دونوں نے انسٹاگرام کے ذریعے تصاویر شیئر کرتے ہوئے اللہ کا شکر ادا کیا، یہ تصاویر اور خبر منظرعام پر آتے ہی ساتھی اداکاروں اور مداحوں نے انہیں ڈھیروں ڈھیر مبارکبادیں دیں اور ان کیلئے نیک خواہشات کا اظہار کیا تھا۔