پاکستان کرکٹ ٹیم کے سابق کپتان اور لیجنڈری فاسٹ بولر وسیم اکرم کی اہلیہ شنیرا اکرم کا نیا لُک سوشل میڈیا صارفین کو بھاگیا۔

تفصیلات کے مطابق وسیم اکرم اور اُن کی اہلیہ شنیرا آج کل پاکستان کے برادر ملک ترکی میں موجود ہیں جہاں شنیرا نے اپنا ہیئر اسٹائل تبدیل کرلیا ہے اور اُن کے نئے لُک کو سوشل میڈیا صارفین بے حد پسند کررہے ہیں۔

شنیرا نے ہیئر اسٹائل کی تبدیلی کے بعد اپنی سیلفی انسٹاگرام اسٹوری پر شیئر کی جسے اُن کے چاہنے والوں نے خوب پسند کیا۔ اُن کا نیا لُک آپ بھی دیکھیں۔

واضح رہے کہ سابق کپتان کی اہلیہ معاشرتی مسائل پر آواز بلند کرتی اور سماجی مسائل کو حل کرنے کیلئے آگے آگے رہتی ہیں۔ گزشتہ دنوں کراچی کے ساحل سے کچرے کے ڈھیر ہٹوانے میں انہوں نے وسیم اکرم کے ہمراہ کلیدی کردار ادا کیا تھا۔