لاہورہائیکورٹ نے سی سی پی او لاہور عمر شیخ کی تقرری کیخلاف دائر درخواست پر پنجاب حکومت کو نوٹس جاری کر دیئے۔

چیف جسٹس لاہور ہائیکورٹ جسٹس قاسم خان نے سی سی پی او لاہور عمر شیخ کی تقرری کیخلاف شہری نعمان امانت کی درخواست پر سماعت کی۔

چیف جسٹس لاہور ہائیکورٹ نے استفسار کیا کہ سی سی پی اوکون سے قانون کے تحت فرائض سر انجام دے رہے ہیں ؟،کیا سی سی پی او لاہور کا تقرر پولیس ایکٹ کے تحت ہوا ہے۔

درخواست گزار نے کہا کہ سی سی پی اولاہورعمر شیخ گریڈ 20کے افسر ہیں انہیں گریڈ 21 کے عہدے پر تعینات کیا گیا ہے۔

درخواست میں سی سی پی او لاہور کے عہدے پر عمر شیخ کے تقرر کو چیلنج کیا گیا ۔

عدالت نے درخواست پر نوٹس جاری کرتے ہوئے پنجاب حکومت اور سی سی پی او لاہور سے وضاحت طلب کرلی۔