کراچی: خیبرپختونخوا اور سنٹرل پنجاب کے درمیان نیشنل اسٹیڈیم کراچی میں کھیلا گیا قائداعظم ٹرافی 2020-21 کا فائنل ڈرامائی انداز میں ٹائی ہوگیا۔

تفصیلات کے مطابق کھیل کے آخری روز 356 رنز کے ہدف کے تعاقب میں سنٹرل پنجاب کی ٹیم 355 رنز بناکر آؤٹ ہوگئی۔ فاسٹ بولر حسن علی نے 61 گیندوں پر 106 رنز کی ناقابل شکست اننگز کھیلی۔

حسن علی کی لاجواب اور ناقابل یقین بیٹنگ کی بدولت سنٹرل پنجاب کی ٹیم جیتنے کے بے حد قریب تھی تاہم اسکور برابر ہوا تو دوسرے اینڈ پر موجود وقاص محمود، ساجد خان کی گیند پر کامران غلام کو کیچ تھما بیٹھے۔ خیبرپختونخوا اور سنٹرل پنجاب نے ٹرافی شیئر کی۔