چیئرمین سینیٹ صادق سنجرانی نے نیب معاملے پر اپوزیشن کے خدشات بارے کل پھر اہم مشاورتی اجلاس طلب کرلیا۔
اجلاس میں نیب سے متعلق قانونی مشاورت کی جائے گی۔
چیئرمین سینیٹ نے مشیر احتساب شہزاد اکبر کو بھی طلب کرلیا، مشیر پارلیمانی امور بابر اعوان اور شہزادوسیم اجلاس میں شریک ہوں گے۔ مشاورتی اجلاس میں ڈپٹی چیئرمین سینیٹ سلیم مانڈوی والا کو بھی شرکت کی دعوت دی گئی ہے۔ مشاورتی اجلاس میں اپوزیشن کی قرارداد، تحریک التوا پر حتمی فیصلہ ہوگا۔
اجلاس میں اپوزیشن کے تحفظات کمیٹیوں کے سپرد کرنے پر بھی حتمی فیصلہ ہوگا۔
