کراچی: کوئٹہ گلیڈی ایٹرز کے کپتان سرفراز احمد بولرز کی کارکردگی سے ناخوش، فیلڈ کے دوران ڈانٹ ڈپٹ کرتے رہے۔ پہلے لیگ اسپنر زاہد محمود اور پھر فاسٹ بولر عثمان شنواری پر غصے کا اظہار کیا۔ ہیڈ کوچ معین خان کو سرفراز کا غصہ ٹھنڈا کرنے میدان میں آنا پڑا۔

تفصیلات کے مطابق آج پی ایس ایل سیزن سکس کے چوتھے میچ میں کوئٹہ گلیڈی ایٹرز اور لاہور قلندرز کا آمنا سامنا ہوا جس میں کوئٹہ کو لاہور نے 9 وکٹوں سے عبرتناک شکست دی۔

قلندرز کے محمد حفیظ اور فخر زمان نے کوئٹہ کے بولرز کیخلاف لاٹھی چارج شروع کیا تو سرفراز احمد خود پر قابو نہ رکھ سکے اور میدان میں ہی بولرز کی کلاس لینا شروع کردی۔

سرفراز احمد کے اس عمل پر سوشل میڈیا صارفین بھی انہیں شدید تنقید کا نشانہ بنارہے ہیں۔ ذیل میں کچھ ٹویٹس ملاحظہ کریں۔