مسلم لیگ نون کے اراکین قومی اسمبلی پر اسلام آباد میں تحریک انصاف کے کارکنان کے حملے کیخلاف قرارداد پنجاب اسمبلی میں جمع کروا دی گئی۔ قرارداد میں ذمہ داران کیخلاف کارروائی کا مطالبہ کیا گیا ہے۔
مسلم لیگ نون کی رکن رابعہ فاروقی نے پنجاب اسمبلی میں قرارداد جمع کروائی۔
قرارداد میں کہا گیا ہے کہ مسلم لیگ نون کے منتخب نمائندوں پر تحریک انصاف کے کارکنان کا حملہ قابل مذمت ہے۔ شاہد خاقان عباسی، احسن اقبال، سینیٹر مصدق ملک اور مریم اورنگزیب سمیت دیگر قائدین پر تحریک انصاف کے کارکنان کا حملہ عمران خان کی تربیت کا نتیجہ ہے۔
قرارداد میں کہا گیا ہے کہ عمران خان نے ہمیشہ بدتمیزی اور گھیراﺅ کی سیاست کو فروغ دیا ہے، یہ ایوان ذمہ داروں کے خلاف کاروائی کا مطالبہ کرتا ہے۔
