لاہور:مسلم لیگ (ن)کے صدر شہباز شریف نے کوٹ لکھپت جیل میں انسداد کورونا ویکسین لگوالی، جناح اسپتال کے ڈاکٹرز کی ٹیم نے شہباز شریف کو ویکسین لگائی۔

کوٹ لکھپت جیل لاہور میں قومی اسمبلی میں اپوزیشن لیڈر شہباز شریف کو انسداد کورونا ویکسین لگا دی گئی، جناح اسپتال کی میڈیکل ٹیم نے شہباز شریف کو ویکسین لگائی۔

میڈیکل ٹیم میں ایم ایس جناح اسپتال ڈاکٹر یحیی سلطان سمیت دیگر ڈاکٹرز شامل تھے جنہوں نے کوٹ لکپھت جیل پہنچ کر شہباز شریف کو انسداد کورونا ویکسین کی پہلی ڈوز لگائی۔

مسلم لیگ ( ن) کے صدر شہبازشریف کو کورونا ویکسین کی دوسری ڈوز 21 روز بعد لگائی جائے گی۔