لاہور:مسلم لیگ (ن)کی نائب صدر مریم نواز نے کراچی کے حلقہ این اے 249کے الیکشن نتائج روکنے کا مطالبہ کردیا۔
نائب صدر مسلم لیگ (ن) مریم نواز نے کراچی کے حلقہ این اے 249 میں ہونے والے ضمنی انتخاب کے نتائج کو مسترد کرتے ہوئے کہا کہ ووٹر ٹرن آوٹ بمشکل 15-18 فیصد اور گنتی کا عمل ساڑھے آٹھ گزرنے کے بعد بھی جاری رہا، یہاں بھی دھند چھا گئی تھی یا عملہ اتنی تاخیر سے پہنچا ،ہمیں بے وقوف سمجھ رکھا ہے کیا۔
ووٹر ٹرن آوٹ بمشکل 15-18 فیصد اور گنتی کا عمل ساڑھے آٹھ گزرنے کے بعد بھی جاری ؟ یہاں بھی دھند چھا گئی تھی کہ عملہ اتنی تاخیر سے پہنچا؟ بےوقوف سمجھ رکھا ہے کیا؟
— Maryam Nawaz Sharif (@MaryamNSharif) April 29, 2021
مریم نواز کا کہنا تھا کہ الیکشن کمیشن کو متنازع الیکشن کے نتائج کو روکنا ہوگا، مسلم لیگ ن سے صرف چند سو ووٹوں سے الیکشن چوری ہوا تاہم نتائج نہ بھی روکے تو یہ فتح عارضی ہوگی۔
نائب صدر ن لیگ کا مزید کہنا تھا کہ جلد ہی یہ سیٹ مسلم لیگ (ن) کو واپس ملے گی، عوام کے ووٹ چوری کرنے والے جلد آپ کے کٹہرے میں کھڑے ہوں گے۔
Election stolen from PMLN by only a few hundred votes. ECP must withhold the results of one of the most disputed & controversial elections. Even if it doesn’t, this victory will be temporary and will Insha’Allah come back to PMLN soon.
— Maryam Nawaz Sharif (@MaryamNSharif) April 29, 2021
ووٹ کو عزت مل رہی ہے اور مل کر رہے گی
