اسلام آباد ،راولپنڈی،جہلم اورگردونواح میں صبح سویرے ہی بارش کے باعث موسم خوشگوار ہوگیا جبکہ گرمی کا زورٹوٹ چکا ہے۔
جڑواں شہروں سمیت جہلم،باغ آزادکشمیر میں صبح سویرے ہی مارگلہ کی پہاڑیوں کی طرف سے سیاہ بادل آئے اوربرسنا شروع ہوگئے،بادل برسنے سے گرمی کا زورتوختم ہوچکا اورموسم بھی ساتھ ساتھ خوشگوار ہوگیا۔
محکمہ موسمیات کا کہنا تھا کہ ملک کے بیشتر علاقوں میں آئندہ 24گھنٹے کے دوران موسم گرم اور خشک رہے گا۔
محکمہ موسمیات کے مطابق بالائی خیبرپختونخوا،جنوبی پنجاب،خطہ پوٹھوہار، اسلام آباد، گلگت بلتستان اورکشمیرمیں آندھی اور گرج چمک کے ساتھ بارش بھی ہوسکتی ہے۔
