متحدہ اپوزیشن نےاسپیکر اسد قیصر کےخلاف تحریک عدم اعتماد لانے کا فیصلہ کرلیا۔متحدہ اپوزیشن کےقائدین کی بیٹھک میں اہم مشاورت کےبعد فیصلہ کیا گیا۔

ذرائع کے مطابق اسپیکرکےخلاف عدم اعتماد کےلئےکمیٹی تشکیل دینے پراتفاق کرلیا گیا۔تاہم کمیٹی کے ارکان کے ناموں پر مشاورت جاری ہے۔کمیٹی کوعدم اعتماد کے لئے ٹاسک دیا جائے گا۔

اپوزیشن کا کہنا تھا کہ اسپیکرآئینی، قانونی،ذمہ داریاں انجام دینےمیں ناکام رہے۔اسپیکرایوان کے ہررکن کا محافظ اورنگہبان ہوتا ہے۔

ذرائع کےمطابق اپوزیشن نےاسپیکرکا7 ارکان پر بندش کا فیصلہ مسترد کردیا۔ ساتھ ہی اپوزیشن نے یکساں نمائندگی پرمشتمل پارلیمانی کمیٹی تشکیل دینےکامطالبہ بھی کردیا۔