مسلم لیگ ن کے رہنما شاہد خاقان عباسی کا کہنا ہے کہ تاریخ کی کرپٹ ترین حکومت اقتدار میں ہے اور نیب ہزاروں ارب کی کرپشن پر خاموش ہے۔ اب صرف دو ہی راستے ہیں، نیب چلالیں یا ملک۔

شاہد خاقان عباسی کا کہنا ہے کہ شہبازشریف اور رانا تنویر سے متعلق میرا انٹرویو کاٹ پیٹ کر چلایا گیا، تاثر دینے کی کوشش کی گئی کہ میں شہباز شریف کے خلاف ہوں۔

شاہدخاقان عباسی نے سوال کیا کہ حکومت نےمہنگی ایل این جی خریدی، اس کا ذمہ دار کون ہے؟

ان کا مزید کہنا تھا کہ بجٹ پاس ہوا، بجلی کی قیمت بڑھے گی، مہنگائی میں اضافہ ہوگا۔ ملک میں مہنگائی کی وجہ کرپشن ہے۔