انگلش صحافی جارج ڈوبیل نے انگلینڈ اینڈ ویلز کرکٹ بورڈ کو پاکستان کا دورہ منسوخ کرنے پر منافق قرار دے دیا۔

جارج ڈوبیل نے اپنے کالم میں لکھا کہ انگلینڈ کے دوہرے معیار سے اچھے دوست جلد دور ہوجائیں گے۔پاکستان نے گزشتہ سال کورونا کے مشکل دورمیں انگلینڈ کا دورہ کرکے ان کا ساتھ دیا لیکن جواب میں ای سی بی نے انہیں دھوکا دیا۔ انگلینڈ کا دوہرا معیار اس بات کی نشاندہی کرتا ہے کہ کچھ ممالک ان کےلئے دوسروں سے زیادہ غیراہم ہیں۔

انہوں نے مزید کہابرطانوی شہزادہ اور شہزادی کےلئے پاکستان کا دورہ محفوظ تھا لیکن تعجب ہے انگلش ٹیم کےلئے یہ ملک غیرمحفوظ ہوگیا۔سیکیورٹی تھریٹ انگلینڈ میں بھی ہوتے ہیں لیکن کوئی ٹیم دورہ منسوخ نہیں کرتی۔