پاکستان سے عبرتناک شکست کے بعد بھارت میں انتہا پسندوں نے مسلمان کرکٹر محمد شامی کے خلاف نفرت انگیز مہم شروع کر دی۔
محمد شامی کو مسلمان ہونے کے ناطے انتہا پسندوں نے نشانے پر رکھ لیا، سوشل میڈیا پر ان کے خلاف مہم چلائی گئی اور انتہائی لغو زبان استعمال کی گئی۔
انتہا پسندوں نے محمد شامی کو بھارتی ٹیم سے نکالنے کا مطالبہ بھی کر دیا۔
مغلظات اتنی شدید تھیں کہ دیگر ٹویٹر صارفین کو بھی ایک موقع پر آگے آنا پڑا۔
یہ واقعی چند انتہا پسند بھارتیوں کی جانب سے ناگوار رویہ تھا اور ٹیم انڈیا کے بہترین کھلاڑیوں میں سے ایک کو اس سے گزرتے ہوئے دیکھ کر صرف مایوسی ہوتی ہے، کیونکہ یہ بس ان کے کام کے لیے ایک برا دن تھا۔
