وفاقی دارالحکومت میں زیرتعمیرمیٹروبس سروس کے واش روم سے11سالہ بچی کی تشدد زدہ لاش برآمد ہوئی ہے۔تاحال بچی کی شناخت نہیں ہوسکی ہے۔ پوسٹ مارٹم مکمل کر لیا گیا۔ابتدائی رپورٹ کے مطابق بچی کومبینہ ریپ کا نشانہ بنانے کے بعد گلا دباکرقتل کیا گیا۔

پولیس کے مطابق سیکٹرجی الیون میں زیرتعمیرمیٹرو بس سروس کے واش روم سے بچی کی لاش برآمد ہوئی۔لاش پر تشدد کے نشانات واضح ہیں ۔امدادی ٹیموں نے بچی کی لاش کو پمزاسپتال منتقل کردیا ہے۔پولیس نے واقعہ کی تحقیقات شروع کردی ہیں۔

اسپتال ذرائع کےمطابق11 سالہ بچی کی تاحال شناخت نہیں ہوسکی ہے۔

ذرائع کے مطابق پوسٹ مارٹم مکمل کرلیا گیا ۔ابتدائی رپورٹ کے مطابق بچی کومبینہ ریپ کا نشانہ بنانے کے بعد گلا دبا کرقتل کیا گیا۔

پولیس کے مطابق زیادتی اور قتل کی اصل وجہ پوسٹ مارٹم کی تفصیلی رپورٹ کے بعد معلوم ہوگا۔