ٹوبہ ٹیک سنگھ میں 672/13 جی بی میں لڑکیوں کو بریانی پکانے اور فروخت کرنے پر مجبور کرنے پر 2 اساتذہ اور ایک ہیڈ مسٹریس کو ملازمت سے معطل کردیا گیا۔

میڈیا رپورٹ کے مطابق ڈپٹی کمشنر عمر جاوید نے پیرمحل گورنمنٹ گرلز ہائی سکول 672/13 جی بی کی طالبات کو ٹیچنگ اسٹاف کی جانب سے بریانی پکا کر بیچنے پر مجبور کرنے کی شکایت کا نوٹس لے لیا۔

ڈی سی کی ہدایت پر ڈسٹرکٹ ایجوکیشن اتھارٹی کے سی ای او محمد ذوالفقار نے سروس ہیڈ مسٹریس رضیہ منظور اور 2 اساتذہ ام کلثوم اور رخسانہ رمضان کو معطل کر دیا۔

اس کے علاوہ انہیں شوکاز نوٹس جاری کر کے 7 دن کے اندر جواب دینے کی ہدایت کی گئی ہے۔