امریکا میں پاکستانی نژاد احسن چغتائی کو نیویارک ریاست نے میئر کا معاون خصوصی مقرر کردیا ہے۔

نیو یارک میں موجود پاکستانی سفارتخانے نے سماجی رابطے کی ویب سائیٹ پر تصدیق کرتے ہوئے کہا کہ احسن میئر ایرک ایڈمس کے معاون خصوصی برائے جنوبی ایشیائی اور مسلم کمیونٹٰی منتخب ہوگئے ہیں۔

اے پی پی کے مطابق احسن چغتائی ایک تجربہ کار سیاسی و سماجی کارکن ہیں جو تقریباً 20 سال سے شہر میں منتخب عہدیداروں کو تشکیلِ پالیسی میں مدد فراہم کرنے کے علاوہ فلاحی تنظیمی اداروں (این جی او) کو فنڈنگز فراہم کرتے آرہے ہیں۔