بالی ووڈ انڈسٹری میں کنگ خان کے نام سے مقبول شاہ رخ خان نے اپنی نئی آنے والی فلم کا ٹیزر جاری کردیا۔

شاہ رخ خان کئی سالوں سے بالی ووڈ انڈسٹری سے دور ہیں، جس کے بعد سے ان کی کوئی فلم نہیں آئی ہے۔

کنگ خان کے مداحوں کا طویل انتظار ختم ہوا، حال ہی میں انہوں نے اپنے ٹوئٹر اکاؤنٹ سے اپنی نئی آنے والی فلم ’پٹھان‘ کا ٹیزر ٹوئیٹ کیا۔

اداکار شاہ رخ خان نے فلم ’’پٹھان‘‘ کا ٹیزر ٹوئیٹ کرتے ہوئے کہا کہ" جانتا ہوں دیر ہوچکی ہے، لیکن تاریخ یاد رکھنا، پٹھان کا وقت اب شروع ہوتا ہے، 25 جنوری 2023 کو سینما میں ملتے ہیں"۔

اس کے علاوہ انہوں نے اپنی فلم "پٹھان" کی ریلیز ہونے کی تاریخ بھی بتانے کے ساتھ ہی سوشل میڈیا سے دور رہنے کی وجہ بھی بتا دی۔

انہوں نے سوشل میڈیا پر لائیو سیشن میں اپنے مداحوں کے سوالوں کا جواب بھی دیا۔

اس دوران ایک مداح نے سوشل میڈیا سے کئی ماہ غائب رہنے کی وجہ پوچھی ، جس پر شاہ رخ خان نے جواب دیا کہ "خیالوں میں غائب تھا"۔

ایک صارف نے سوال کیا کہ عامر خان کی فلم ‘لعل سنگھ چڈھا دیکھی؟ اس پر شاہ رخ نے جواب دیا کہ ‘ارے یار عامر کہتا ہے پہلے پٹھان دکھا۔