اسلام آباد:وزیراعظم عمران خان نے کہا ہے کہ شوکت خانم اسپتال کراچی اگلے سال کےآخر میں کھلنے کیلئے شیڈول ہے، یہ جدید ترین مشینوں سے لیس ہوگا۔
وزیراعظم عمران خان نے سماجی رابطے کی ویب سائٹ ٹوئٹر پر اپنے ٹویٹ میں کہا کہ شوکت خانم اسپتال کراچی آئندہ سال کے آخر میں کھلنے کیلئے شیڈول ہے، یہ شوکت خانم اسپتال پشاور اور لاہور کے اسپتال سے بڑا ہوگا۔
SKMT Karachi is on schedule to open end of next year. It will be bigger than SKMT Peshawar and Lahore; and will be equipped with the latest state of the art machines. pic.twitter.com/V3jxQ0iQ7f
— Imran Khan (@ImranKhanPTI) March 9, 2022
وزیراعظم نے اپنے ٹویٹ میں مزید کہا کہ شوکت خانم اسپتال کراچی جدید ترین مشینوں سے لیس ہوگا۔
وزیراعظم عمران خان آج کراچی جائیں گے
ادھر وزیراعظم عمران خان آج کراچی جائیں گے، دورے کے دوران وزیراعظم ایم کیوایم پاکستان کے مرکزبہادرآباد کا دورہ کریں گے۔
ذرائع کے مطابق ایم کیوایم پاکستان کے پارلیمانی لیڈرڈاکٹرخالد مقبول صدیقی، وفاقی وزیرامین الحق اور رابطہ کمیٹی کے ارکان استقبال کریں گے۔
ایم کیو ایم لاپتہ کارکنوں ، دفاترکی بندش ، اربن ڈویلپمینٹ سمیت تمام تحفظات وزیراعظم کے سامنے رکھے گی ۔
وزیراعطم عمران خان کے ہمراہ گورنرسندھ عمران اسماعیل ، وزیر منصوبہ بندی اسد عمر اور علی حیدرزیدی بھی ہوں گے ۔
وزیراعظم عمران خان کی جی ڈی اے قائدین سے ملاقات کا بھی امکان ہے جبکہ پی ٹی آئی ارکان پارلیمنٹ بھی وزیراعظم ملاقات کریں گے۔
