وزیر اعظم عمران خان کو ضابطہ اخلاق کی خلاف ورزی کرنے پر 50 ہزار روپے کا جرمانہ عائد کیا گیا ہے۔

تفصیلات کے مطابق ڈسٹکرٹ مانیٹرنگ آفیسر ملاکنڈ نے وزیراعظم پر ضابطہ اخلاق کی خلاف ورزی پر جرمانہ عائد کیا ہے اور انہیں 27 مارچ تک جرمانے کی ادائیگی کا چلان پیش کرنے کی بھی ہدایت کی ہے۔

واضح رہے کہ وزیراعظم عمران خان نے الیکشن کمیشن کی جانب سے نوٹس ملنے کے باوجود 20 مارچ کو ملاکنڈ میں جلسہ سے خطاب کیا تھا۔