نو منتخب وزیراعلیٰ پنجاب حمزہ شہباز آج گورنرہاوس لاہور میں حلف اٹھائیں گے، چیئرمین سینیٹ صادق سنجرانی حمزہ شہبازسےحلف لیں گے۔

تفصیلات کے مطابق نومنتخب وزیراعلیٰ پنجاب حمزہ شہباز کی حلف برداری آج شام چاربجے گورنرہاوس لاہورمیں ہوگی، چیئرمین سینیٹ صادق سنجرانی حمزہ شہبازسے حلف لیں گے۔

تقریب حلف برداری میں وزیراعظم شہبازشریف کی شرکت بھی متوقع ہے۔

ذرائع کے مطابق گورنرہاؤس میں تقریب حلف برداری کی ہنگامی بنیادوں پرتیاریاں شروع کردی گئی ہیں، جس میں مسلم لیگ نون کےعہدیداران، ارکان اسمبلی، بیورو کریٹس اوردیگراہم شخصیات سمیت600 افراد کو مدعو کیا گیا ہے۔