سعودی عرب نے افغانستان انسانی ٹرسٹ فنڈ کے لئے تین کروڑ ڈالر کی گرانٹ مہیا کی ہے۔

سعودی حکام کا کہنا ہے کہ تین کروڑ ڈالر کی مالی امداد کا مقصد افغانستان کے عوام کے مصائب کو کم کرنے، انسانی صورت حال کو مزید ابتر ہونے سے بچانے اور کسی بھی ممکنہ معاشی تباہی میں معاونت مہیا کرنا ہے۔

حکام نے کہا کہ اگر افغانستان دیوالیہ ہوتا ہے تو یہ ممکنہ طور پر علاقائی اور بین الاقوامی استحکام اور امن پر اثر انداز ہوسکتا ہے۔

دوسری جانب اسلامی تعاون تنظیم (او آئی سی) کے سیکریٹری جنرل نے بھی رکن ممالک سے اپیل کی ہے کہ وہ افغانستان کے لئے اسلامی ترقیاتی بینک کے قائم کردہ فنڈ میں حصہ ڈالیں اور افغانستان کی عوام کی مشکلات کو دور کرنے میں اپنا کردار ادا کریں۔