لندن: پاکستان کرکٹ ٹیم کے ٹاپ آرڈر بیٹر شان مسعود نے کاؤنٹی چیمپئن شپ کے رواں سیزن میں ایک ہزار رنز مکمل کرلیے، وہ اس سال یہ کارنامہ انجام دینے والے پہلے پلیئرہیں۔

کاؤنٹی چیمپئن شپ 2022 میں ڈربی شائر کی نمائندگی کرنے والے شان مسعود نے سسکس کیخلاف میچ کی پہلی اننگز میں 46 رنز بناکر سیزن میں ایک ہزار رنز مکمل کئے۔

شان مسعود نے کاؤنٹی چیمپئن شپ کی 12 اننگز میں 1037 رنز بنائے ہیں جس میں 3 سنچریاں اور4 نصف سنچریاں بھی شامل ہیں۔

اس کے ساتھ شان مسعود نے اس سال پروفیشنل کرکٹ کے تمام فارمیٹس میں مجموعی طور پر2ہزار رنز مکمل کرلئے۔