لاہور: پنجاب بھر میں بجلی کی بندش کا سلسلہ ابھی بھی جارہی ہے، ہر شہر میں گھنٹوں گھنٹوں بجلی بند رہنا معمول بن گیا ہے، رات ہو یا دن کسی وقت بھی سکون میسر نہیں، شہری بھاری بھرکم بلوں سے بھی پریشان ہیں۔

لاہور سمیت پنجاب کے مختلف شہروں میں بجلی کی اندھا دھند لوڈشیڈنگ کا سلسلہ جاری ہے، دن ہویا رات کسی وقت بھی آرام اور سکون میسر نہیں، شدید گرمی میں بجلی کی لوڈشیڈنگ کے باعث شہری ذہنی اذیت کا شکار ہوگئے ہیں۔

بجلی آتی نہیں مگر بلوں کا عذاب ہر کسی کو جھیلنا پڑرہا ہے شہری کہتے ہیں ہرروز فی یونٹ بجلی کی قیمت بڑھا دی جاتی ہے لیکن تنخواہوں میں اضافہ نہیں کیا جاتا۔

لیسکو حکام کے مطابق لاہور اور اس کے مضافات میں بجلی کا شارٹ فال 1200 میگا واٹ تک پہنچ گیا ہے۔