کراچی میں آج بھی کہیں ہلکی اور کہیں تیز بارش کا امکان ہے، محکمہ موسمیات کے مطابق مون سون ہوائیں سندھ اوربلوچستان میں داخل ہورہی رہی ہیں، مون سون سسٹم کا مرکزوسطی بھارت میں موجود ہے۔

محکمہ موسمیات کے مطابق کراچی کے علاوہ سندھ کے دیگر اضلاع میں بھی آج بارش ہوسکتی ہے جبکہ آئندہ 24 گھنٹوں کے دوران کراچی میں مطلع جزوی ابرآلود رہنے کا امکان ہے۔

شہر قائد میں کم سے کم درجہ حرارت 26.4 ڈگری سینٹی گریڈ ریکارڈ کیا گیا جبکہ شمال مشرق سے 27 سے 36 کلومیٹر فی گھنٹہ کی رفتار سے چلنے والی ہواؤں میں نمی کا تناسب 78 فیصد ہے۔