ممنوعہ فنڈنگ ضبط کرنے کیلئے پاکستان تحریک انصاف ( پی ٹی آئی) کو جاری الیکشن کمیشن کا شوکاز نوٹس منظر عام پر آگیا، پی ٹی آئی کو شوکاز عمران خان کے ذریعے 5 اگست کو جاری کیا گیا، جس میں عارف نقوی سے ملنے والے 21 لاکھ ڈالرز سے زائد رقم کا تذکرہ موجود ہے۔

پی ٹی آئی کو بھیجے گئے شوکاز میں بھارتی شہری رومیتا شیٹی سے وصول شدہ 13 ہزار 750 ڈالرز کا بھی ذکر ہے۔

نوٹس میں امریکہ، کینیڈا سمیت دیگر ممالک اور کمپنیوں سے ملنے والے فنڈز کا بھی حوالہ موجود ہے۔

شوکاز میں کہا گیا ہے کہ کیوں نہ تمام ممنوعہ فنڈز ضبط کر لیے جائیں۔

شوکاز میں 22 اگست کو صبح 10 بجے الیکشن کمیشن میں پیش ہو کر وضاحت دینے کی ہدایت کی گئی ہے۔