تحریک طالبان پاکستان نے گزشتہ ہفتے لوئر دیر میں پی ٹی آئی کے ایم پی اے ملک لیاقت علی خان پر ہونے والے حملے سے لاتعلقی ظاہر کی ہے۔

اپنے جاری کردہ بیان میں تحریک طالبان پاکستان نے لیاقت علی خان پر قاتلانہ حملے کی مذمت کرتے ہوئے کہا کہ ٹی ٹی پی دوران مذاکرات جنگ بندی کے موقف پر قائم ہے۔

بیان میں کہا گیا ہے کہ ابھی تک ٹی ٹی پی کی طرف سے جو بھی واقعہ پیش آیا ہے وہ دفاع کی صورت میں آیا ہے۔

بیان میں مزید کہا گیا ہے کہ تحریک طالبان پاکستان کی تحقیقاتی کمیٹی اس حوالے سے تحقیقات کر رہی ہے “اگر تحریک طالبان کے کسی فرد پر یہ حملہ ثابت ہوا تو شریعت کے مطابق ان کا مواخذہ کیا جائے گا۔

یاد رہے کہ اس حملے میں پی ٹی آئی رہنما لیاقت علی خان زخمی اور ان کے بھائی اور بھتیجے سمیت 4 افراد جاں بحق ہوئے تھے۔