کراچی میں ڈینگی کے بڑھتے ہوئے کیسسز کے باعث کمشنر کراچی نے تعلیمی اداروں کے لیے نئےایس او پیز جاری کردیے۔

شہر قائد میں ڈینگی کے بڑھتے کیسز کے باعث کمشنر کراچی کی جانب سے جاری نئے ایس او پیز کے مطابق تمام سرکاری اور نجی تعلیمی اداروں میں اسمبلی اور فزیکل ٹریننگ سیشن ایک ماہ کے لیے معطل رہیں گے جبکہ تمام طلبا ءاور طالبات کو فل آستین کے کپڑنے پہننے کی بھی ہدایت کی گئی ہے۔

نوٹیفکیشن میں کہا گیا ہے کہ تعلیمی ادارے کے کسی کنٹینر یا کسی مقام پر پانی نہ کھڑا ہونے دیا جائے،صاف صفائی کا مکمل خیال اور مختلف مقامات وقتا فوقتا جراثیم کش اسپرے کیا جائے۔

نئے ایس او پیزکے مطابق صاف پانی کے ٹینکوں کو مکمل طورپر صاف رکھا جائے،اگر کسی ادارے میں ڈینگی کے حوالے سے اطلاع ملے تو فوری متعلقہ انتظامیہ کو آگاہ کریں۔