کراچی کے علاقے تیموریہ میں مبینہ پولیس مقابلے کے دوران فائرنگ کی زد میں آکر 9 ماہ کی بچی جاں بحق اور ماں شدید زخمی ہوگئی۔

ابتدائی اطلاعات کے مطابق خاتون بچی کے ہمراہ رکشے میں سخی حسن جارہی تھیں کہ فائرنگ کی زد میں آ گئیں۔

جاں بحق بچی کی شناخت عنابیہ کے نام سے ہوئی ہے۔

مبینہ مقابلے میں کسی اہلکار یاملزمان کے زخمی ہونےکی اطلاع نہیں ہے۔

پولیس کا کہنا ہے کہ ملزمان فائرنگ کرتے ہوئے فرار ہونے میں کامیاب ہوگئے۔