سابق بھارتی کرکٹر وریندر سہواگ نے پاکستان ٹیم کے کپتان بابر اعظم کے بارے میں بڑی پیشگوئی کردی۔

وریندر سہواگ نے کہا کہ پاکستان کے بابراعظم شاندار بیٹنگ کررہے ہیں، وہ ٹی20 ورلڈکپ میں سب سے زیادہ رنز بنانے والے بیٹر ہوں گے۔

انہوں نے مزید کہا کہ بابراعظم کی بیٹنگ دیکھ کر بہت اچھا محسوس ہوتا ہے، جس طرح ویرات کوہلی کی بیٹنگ کو دیکھ کر سکون ملتا ہے اسی طرح بابر کی بیٹنگ کو دیکھ کر خوشی ہوتی ہے۔

یاد رہے کہ ٹی20 ورلڈ کپ میں پاکستان ٹیم اپنی مہم کا آغاز اتوار کو میلبرن میں بھارت کے خلاف میچ سے کرے گی۔