عمران خان نے لاہوربارایسوسی ایشن سے خطاب کرتے ہوئے کہا کہ کل میں حقیقی آزادی مارچ کا آغاز کرنے جا رہا ہوں اورلاہور سے میرے مارچ کا آغاز ہوگا۔

چیئرمین تحریک انصاف عمران خان کی لاہورسول کورٹ آمد ہوئی جہاں ان کا لاہوربار ایسوسی ایشن نے استقبال کیا ہے۔

انہوں نے وکلا کو لاہور سے شروع ہونے والے لانگ مارچ میں شرکت کی دعوت دی جبکہ چیئرمین پی ٹی آئی نے لاہور بار کے صدرکو 5 کروڑ کی گرانٹ بھی دی۔

ان کا کہنا تھا کہ میں اس قوم کے لیے یہ جنگ لڑا رہا ہوں اور جنگ اب حتمی اور فیصلہ کن جنگ ہے، جبکہ لاہور بار پھر پور لانگ مارچ میں شرکت کرے۔

چیئرمین پی ٹی آئی عمران خان نے زور دیتے ہوئے کہا کہ پنجاب حکومت کو کہوں گا وکلاء پروٹیکشن بل منظور کرے اور وکلاء کے اسپتال کے لیے رقم جاری کی جائے۔