سوئی ناردرن گیس نے کمرشل صارفین کو آج سے گیس سپلائی بند کرنے کے نوٹس جاری کر دیئے۔

سوئی ناردرن حکام کے مطابق سوئی ناردرن کے کمرشل صارفین کیلئے موسم سرما میں قلت کے باعث گیس کی فراہمی ممکن نہ ہو پائے گی۔

انہوں نے کہا کہ کمرشل صارفین کو سسٹم گیس کی بجائے آر ایل این جی مہیا کی جائے گی جس کیلئے انہیں سوئی ناردرن سے معاہدہ کرنا ہوگا، معاہدہ نہ کرنے والے کمرشل صارفین کا کنکشن کاٹ دیا جائے گا۔

اس حوالے سے تاجر رہنماؤں کا کہنا ہے کہ آر ایل این جی کی مجوزہ قیمت کمرشل صارفین کی پہنچ سے باہر ہے، اس اقدام سے مہنگائی کی نئی لہر جنم لے گی جو موجودہ سیاسی حالات میں حکومت کیلئے نقصان دہ ثابت ہوگی۔

ان کا کہنا تھا کہ وزیراعظم شہباز شریف صورتحال کا فوری نوٹس لیں۔