کراچی میں گرینڈ ہیلتھ الائنس نے مطالبات کے حق میں پریس کلب پر احتجاج کیا، احتجاج میں سندھ بھرکے طبی عملے نے شرکت کی ۔
پولیس اور مظاہرین آمنے سامنےآگئے، خواتین مظاہرین دوڑتی ہوئی ریڈ زون کی طرف روانہ ہوئی تو کوسٹ گارڈ دفتر کے باہر مظاہرین کو روکنے کی کوشش کی گئی، جس پر خواتین مظاہرین اور لیڈی پولیس اہلکاروں میں شدید ہاتھاپائی ہوئی۔
مظاہرین سندھ اسمبلی تک پہنچ گئے، اسمبلی کے باہر واٹرکینن بھی موجود ہے۔
خواتین مظاہرین کی بڑی تعداد سیکریٹریٹ پہنچ گئی جبکہ پولیس کی بھاری نفری مظاہرین کو روکنے میں ناکام رہی۔
