وزیراعلی سندھ مراد علی شاہ کا کہنا ہے کہ کسانوں کو بیج کیلئے پانچ ہزار روپے فی ایکڑ دینے اورسیلاب متاثرین کے گھروں کی تعمیر کا طریقہ کارحتمی مرحلے میں ہے۔

وزیراعلیٰ سندھ زیر صدارت کابینہ کا اجلاس جاری ہے، جس میں صوبائی وزرا، مشیر، چیف سکرٹری و دیگر متعلقہ افسران شریک ہیں۔

اجلاس کے دوران وزیراعلیٰ سندھ مراد علی شاہ نے کہا کہ جلد بیج کیلئے 5 ہزار روپے فی ایکڑ کے حساب سے دینا شروع کردینگے۔

وزیراعلیٰ نے کہا کہ سیلاب متاثرین کے گھروں کی تعمیر، طریقہ کار حتمی مرحلے میں ہے۔

انہوں نے ضلع انتظامیہ کو حکم دیا کہ سیلاب کے پانی کی نکاسی کو تیز کیا جائے، سیلاب متاثرین کی بحالی کیلئے اقدامات کیے جائیں۔