گزشتہ روز لاہور کے علاقے چوہنگ میں ڈھائی سالہ بچہ کے اغوا کے بعد قتل میں جادو ٹونے کے شک نے تفتیش کا رُک ہی موڑ دیا، پولیس نے ایک درجن سے زائد افراد کو مشکوک تصور کرتے ہوئے تفتیش کا آغاز کردیا گیا۔

کمسن مقتول ذیشان کی لاش گزشتہ روز قبرستان سے ملی تھی، نامعلوم ملزمنے ڈھائی سالہ ذیشان کو اغوا کے بعد قتل کیا، اہلِ خانہ کے مطابق بچے کی چھاتی پر تیز دھار آلے سے کچھ لکھا گیا ہے۔

ذیشان کے والد کا کہنا ہے کہ ان کی کسی سے کوئی دشمنی تھی نہ کوئی جھگڑا۔

پولیس حکام کا کہنا ہے کہ بچے کے سینے پر تیز دھار آلے سے بے ربط تحریر لکھی گئی، تحریر کے الفاظ تفتیش کا رُخ کالے جادو کی طرف لے جاتے ہیں۔

پوسٹ مارٹم مکمل ہونے کے بعد پولیس نے لاش ورثاء کے حوالے کر دی۔ کمسن ذیشان علی کی میت کو نمازہ جنازہ کے بعد مقامی قبرستان میں سپرد خاک کر دیا گیا ہے۔