انسداد منشیات عدالت نے وفاقی وزیر داخلہ کے خلاف منشیات اسمگلنگ کیس کی سماعت شریک ملزم کو دل کی تکلیف کے باعث 10 دسمبر تک ملتوی کردی۔

انسداد منشیات عدالت لاہور نے وفاقی وزیر داخلہ رانا ثناء اللہ کیخلاف پندرہ کلو منشیات سمگلنگ کیس کی سماعت کی۔

رانا ثناء اللہ اپنے وکلا کے ہمراہ عدالت میں پیش ہوئے۔ عدالت نے تمام ملزمان کی حاضری مکمل کروائی۔

عدالت کو بتایا گیا کہ مقدمے کا شریک ملزم اکرم دل کی تکلیف کے باعث پیش نہیں ہوسکا، جس پر عدالت نے کیس کی سماعت دس دسمبر تک ملتوی کر دی۔

انسداد منشیات فورس نے رانا ثناء اللہ کیخلاف سی این ایس اے 1997 کی دفعات 9 سی،15 اور 17 کے تحت مقدمہ درج کر رکھا ہے۔