آلودہ شہروں کی عالمی فہرست میں لاہور مسلسل دو ہفتوں سے پہلے نمبر پر ہے جبکہ شہرمیں دِن بھر گَردوغبار باہرنکلنے والوں کو بُری طرح متاثر کرتا ہے۔

دُھواں اور گردوغبار اِن دنوں لاہور کو لپیٹ میں لئے ہوئے ہے اور ٹھنڈے موسم میں فِضائی آلودگی نے لوگوں کیلئے گھروں سے باہر نکلنا مشکل بنا رکھا ہے۔

ایسی صورتحال میں کوئی درختوں کی ضرورت پر زور دیتا ہے، تو کوئی احتیاط کو لازم قرار دے رہا ہے۔

اسموگ پرعدالتی حکم کے مطابق اسکول ایجوکیشن کو چھٹیوں کی تجویز دی گئی ہے لیکن والدین اِس تجویز تو ماننے سے اِنکار کردیا۔

آلودہ شہروں کی فہرست میں لاہور353 انڈیکس کے ساتھ مسلسل دو ہفتوں سے پہلی پوزیشن سنبھالے ہوئے ہے۔

محکمہ موسمیات نے بھی آئندہ 24 گھنٹے کے دوران پنجاب کے میدانی علاقوں میں موسم سرد اور خشک رہنے کی پیش گوئی کی ہوئی ہے۔