جہلم کے علاقہ ڈومیلی میں بولنے اور سننے کی صلاحیت سے محروم چودہ سالہ لڑکی کو اجتماعی زیادتی کا نشانہ بنانے والے دو ملزمان گرفتار کر لیے گئے۔

پولیس کے مطابق متاثرہ لڑکی سے کئی ماہ تک زیادتی کی گئی، قوت گویائی و سماعت سے محروم لڑکی کسی کو بتا نہ سکی۔

پولیس کا کہنا ہے کہ معذور لڑکی کے کئے گئے الٹراساؤنڈ میں حقائق سامنے آئے، اسپیشل سینٹر کے اسٹاف نے معذور لڑکی سے حقائق دریافت کئے۔ اشاروں میں متاثرہ لڑکی نے ملزمان کی شناخت کی، جس کے بعد نمونے ڈی این اے کیلئے لاہور بھیج دیئے گئے۔